上星期日, 小B忽然想要到超市購物, 而且定下條件, 就是他想買什麼便買什麼, 不要我們干預, 大家在收銀處會合就好了.
那好哇~ 我給了他一點零錢, 就看這小鬼頭會買些什麼回來? 想必又是薯片~糖果~朱古力等等"違禁品"了. 於是加上一個條款, 如果買了"熱氣"的食品, 就要暫時由媽咪保管, 等待考完試後才可享用, 小B現出晴天霹靂的表情~不過很快便回復過來, 推著購物車往超市的人潮中竄去了.
我們作遠距離觀察, 小B第一件心水選擇竟然是一包金菇, 完全沒被果涷~布丁~雪糕......所誘惑, 順利走過一排排的涷櫃.
之後在韓國食品部取了一枝從未買過的外型趣怪的樽裝飲品, 接著又拿了一包即食麵, 但想了一會, 又把樽裝飲品放回架上, 換回多一包即食麵.....
本以為小B在不受規管之下, 一定會變成破禁的甩繩馬騮, 但原來他為人也頗實際啊!
購物後, 開心得變了腰果眼的小B說: "以後要多玩這遊戲!"
* * * * *
親子活動真要及時啊! 以前亦會跟大B進行類似的玩意, 例如叫他到街市買晚餐的食材, 菜色由他自己決定, 大B都做得有板有眼的.
不過現在已經13歲, 進入了青春期的大B, 不輕易給我任意指揮了, 就如這次:
媽咪: "你兩兄弟入去超市買嘢喇! 記住半個鍾頭後, 收銀處集合啊~"
大B: "哦~你o地入去先啦, 我去隔離電器鋪睇吓嘢~"
媽咪: "依加進行緊活動喎~(你係咪玩嘢呀!)"
大B: "得啦~一陣過番o黎~"
過了一會, 大B來電:
大B: "媽咪~呢度無嘢好買喎, 我過12蚊店睇吓"
媽咪: "(咕嚕咕嚕)......咁好啦, 一陣見! "
* * * * *
有次跟大B閒聊, 問他會否跟同學談起家人, 例如說自己媽媽很兇之類...., 大b告訴我, 他是不會讓同學知道家裡把他管得那麼嚴的, 因為同學的父母都不管他們的, 他們喜歡何時回家都可以, 如果給同學知道他要限時回家, 就丟盡臉了!
哈~當以為開始對管教小孩有點把握時, 那個小孩已經變成了青少年, 父母只好從頭學起吧!
呢個假期, 我終於都填左十八間啦 !
其實第三志願之後, 其他個的都唔係好想進 ~~
真係希望自行收左囉 !
這個"升中大抽獎", 真的令我很頭痛！
還要等到7月才公布結果, 好心煩...
不過，就算心儀學校一間都抽唔中，仲可以考入去同人砌過既．
還有無論派 第一或第二志願.....邊間都好......都真係要一定要鍾意間學校先好 !!!! ..