簡易海南雞飯

早前睇咗無線個飲食節目 "食平DD"，

肥媽教用雪藏雞脾做"海南雞飯"，

見到好容易整，屋企又有晒材料，

於是就開工煮飯喇~

(下圖) 材料之一香茅，屋企種咗，唔駛出街買~

(下圖)  選棵粗壯D嘅，用刀仔鋸斷佢。

(下圖) 去除枯黃嘅外層同葉片，只保留下截有香味部份。

(下圖)煮飯料除咗香茅，仲要加埋薑、蒜頭(全部拍裂，易出味)，當然唔少得雞湯啦~

(下圖) 全部放晒落電飯煲內，用雞湯代替水煮飯~

(下圖) 將雞脾(先解凍，再用鹽、胡椒粉、沙薑粉醃半小時)放最上面，然後好似平時咁煮飯就得啦!

(下圖) 用雞下脾嘅好處，除咗滑D之外，仲唔駛斬開，煮熟夾起就可以上碟，非常方便。

(下圖) 用香茅煮嘅油飯，口感清香，多食都唔會膩。

小胡子生活館之Facebook專頁

會有多D近況資訊

喜歡睇就俾個LIKE吖~

 facebook.com/littlewugi.happyfamily

當風乾機遇上懶人

當風乾機遇上懶人會發生咩事?

就係懶人居然會在家製臘腸。

亦因為懶，

所以整來整去都係整臘腸

但亦因為咁，

先整出最合自己口味嘅臘腸喎!

1. 買廿零蚊半肥免治肉，浸暖水去腥味後隔水備用。

2. 加5~6湯匙頭抽(我用淘大)，4~5湯匙黃糖，3湯匙玫瑰露酒，大半湯匙鹽，攪到起膠。

(下圖) 將肉醬灌入已泡洗過嘅羊腸衣內。

(下圖) 腸灌好後用繩分段扎實。

(下圖) 就可以進行風乾/曬乾，用風乾機好方便，唔駛理天氣情況，幾時都乾得。一般12個鐘就風乾完成，最方便就係晚上開機早上收成。

(下圖) 呢部NOVA風乾機都幾好，不含BPA，簡單易用，仲配埋風乾紙，可以偷懶唔駛洗。

(下圖) 臘腸風乾後就入密實袋放雪櫃，沒防腐劑，唔好擺咁耐，盡快食用啦。

(下圖) 收到勤力朋友送的自製香菇粉(這粉近日在網絡火紅!) ，據說是用風乾後的香菇、蔥、蒜......磨粉而成，美味背後成擔心機啊!

(下圖) 懶人之香菇粉食法一: 加豉油、香醋拌餃子吃。

(下圖) 懶人之香菇粉食法二: 用來煮湯麵嘅湯底或加上豉油、麻油做撈麵。

(下圖) 懶人之香菇粉食法三: 直接沾食，喜歡點食就點食!!!

小胡子之愛happy家庭Facebook專頁開通了!!
喜歡看的請給我LIKE吖~

 facebook.com/littlewugi.happyfamily

小B焗麵包

麵包機真是偉大發明,

可以把繁複的製作程序,

簡化到像洗米煮飯那樣簡單,

連我家小B都忽然興之所,

要入廚房焗一底麵包給大家嘗嘗呢~

(下圖) 只要按著食譜所寫的次序, 逐一把材料加入烤鍋內。

(下圖) 然後就可以把烤鍋放回麵包機內。

(下圖) 小B最愛看攪麵團的過程, 可是到了發酵時, 就不要打開蓋喇~因溫度不夠會令發酵不足, 麵包就沒那麼鬆軟囉。

(下圖) 三小時後, 金黃香脆麵包又出爐啦!

(下圖) 自家焗製麵包看來份量不多, 可是斤兩十足。

(下圖) 早餐一片厚切吐司加上煎蛋, 已經吃得飽飽的了。

小胡子之愛happy家庭Facebook專頁開通了!!
喜歡看的請給我LIKE吖~

 facebook.com/littlewugi.happyfamily

錯怪好機

話說年幾前，好想試下整麵包。

但又怕麻煩，打算買部麵包機。

但又唔知有冇恆心整落去，

於是買咗部平價嘅機玩下，

就算唔常用都唔會太肉赤嘛~

點知整咗兩三次，

都係得出下圖嘅驚嚇效果:

於是此機就被打入冷宮，更被放逐家外喇~

輾轉之下，麵包機又回到我家。

最後發現，原來部機係冇問題架~

只係我隻量杯同食譜出問題咋!

終於，香噴噴嘅麵包就出爐啦!

(下圖) 紋理唔算最靚，不過都合格啦~

(下圖) 唔~切包手勢有待改進呀~

(下圖) 就係佢啦~當時用百佳積分加$3XX換購番嚟嘅"美的麵包機"。抵用啊~

學自製臘腸

上星期六, 約同學仔一齊去葵芳上堂,

學咩? 咪就係跟"笨B媽媽"任教嘅臘腸班學做臘腸囉~!!

一向喜歡食臘腸, 竟然可以自製喎, 當然馬上報名啦! 

(下圖) 上堂啦~職員已預備好材料, 一人一份分好晒, 幾方便!

(下圖) 原來製作用嘅器材好簡單咋, 經過一輪努力, 我的臘腸成型啦~ 靚嗎?

(下圖) 為方便製作, 即埸買埋風乾機(有特價呀~ ^^), 當晚就可以連夜風乾啦! 

(下圖) 朝早起床就有收成, 嘩~似模似樣喎~ 

(下圖) 於是馬上叫小B洗米煲飯 ...

(下圖)  加埋番薯同臘腸落飯煲一齊煮.

(下圖) 臘腸飯話咁快就有得食啦~ 

(下圖) 想香口嘅, 做臘腸炒飯亦得, 好味! 

小B的聖誕小食

每年學校的聖誕聯歡會,

小B都會堅持做一款小食回校跟老師和同學們分享,

今朝一早就起床去買材料,

努力了整個上午,

今年做的這款, 該叫什麼名堂好呢?

就叫做"芝味金三角"啦~

(下圖)罐頭菠蘿去水切塊.

 (下圖)火腿切成三角型

 (下圖)麵包也切成三角型.

 (下圖)先把火腿放上麵包上面.

 (下圖) 再放上菠蘿.

 (下圖)然後放芝士在最上面.

 (下圖) 最後, 放進已預熬的焗爐, 200度焗12~14分鐘即可.

 (下圖)完成後, 所有才料會貼成一塊, 方便小朋友取食.

菠蘿跟芝士的味道很夾, 不錯~

希望小B有一個開心的聖誕聯歡會!!

續約送智能煲

早前續約PCCW家居電話送的禮品,
 
樂信牌6公升智能煲, 終於到手了.

大大份電器, 哄得我好開心啊!!!!

(盡力去忘記什麼是"羊毛出自羊身上")

這個煲聲稱集齊電飯煲的方便, 氣壓煲的快速與及真空煲的節能.

嘩~來頭真不少啊!

好! 馬上就煲湯去~

結果呢~嘿! 真有點反高潮~

因為第一次用氣壓煲, 我不為意地多放了水,

結果>>>>清補涼真的很清.....淡.

後記: 用落都真係幾好, 擺晒材料再按鈕就搞定, 又唔駛睇火, 煲湯~燉牛腩一流!

小胡子之愛happy家庭Facebook專頁開通了!!
喜歡看的請給我LIKE吖~ facebook.com/littlewugi.happyfamily