2014年4月8日 星期二

V-BOT吸塵機械人

最近,身邊幾個朋友都不約而同咁講起"吸塵機械人"

佢地當中有大忙人、大懶人同埋好奇人。

但大家都會問同一個問題:

"吸塵機械人"係咪真係WORK嘅呢?

咁湊巧,我另一位朋友就有一部功能齊全嘅吸塵機械人,

於是,我就好厚顏咁問朋友借來試試啦~

(下圖) 就係呢部V-BOT SVR530啦~


(下圖) V-BOT最強就係"無底刷"專利設計,直接吸乾淨好多。(圖片取自http://www.v-bot.com.hk/)


(下圖) 可預先設定每日定時一吸,或者充滿電就馬上吸,一個按鈕就搞定,得咗!


(下圖) 因為剛用大機吸過塵, 怕試唔出效果, 於是刻意拋到周圍紙碎。


(下圖) 吸塵機械人兩三轉之後就將地上紙碎吸走晒。


(下圖) 仲走埋入我書房。


(下圖) 真係吸得幾乾淨喎。


(下圖) 床尾擺咗掛衣架,平時打掃都好難伸入去,但V-BOT就能夠好輕易咁鑽入去,仲幫我掃番床底嘅兵乓波出嚟!


(下圖) 充電5小時,就可以運作60分鐘,走勻幾轉三房一廳,工作完仲會自己番去機座充電,真係乖巧!


(下圖) 設有遙控,可以控制佢去邊度吸,不過其實唔太需要,部機都會自己走勻晒,而且我係遙控盲,轉兩轉就分唔清左右~


(下圖)之前用大機吸過塵又拖過地,以為機械人應該冇咩可吸,所以先刻意放紙碎,點知原來仲會吸到咁多頭髮灰塵。


(影片)V-bot吸塵機械人- 穿梭廳房之間

(影片)V-bot 吸塵機械人-自動泊位及充電

(下圖) V-BOT整體表現幾好,要注意唔可以有電線之類嘅雜物或者廁所門口嘅雲石吸嘴之類,會纏住部機行唔到。
解決方法: 收拾一下&關上廁所門。