《Bma Home & Kitchen》開幕派對

星期六去咗《Bma Home & Kitchen》開幕派對，參觀靚靚廚藝教室，仲有好多好嘢食添呀!

(下圖) 兩點時已經好多人到咗，檯面有大氣球裝飾，仲擺滿美食招呼來賓。

 (下圖) 廚藝教室地方好大, 容納幾十人後仍有好多位罝走動，呢度除咗上廚藝班外，仲可以包場搞私人PARTY，教室地點好近荔枝角港鐵站D出口，交通非常方便。

 (下圖) 我有口福啦~檯面美食出自不同廚藝高手，件件精心製作。

 (下圖) 呢款迷你版砵仔糕好好食，又香又軟，仲好容易攞起，唔會話痴住其他糕，有機會真要學下點整。

 (下圖) 呢款煙三文魚+青瓜好好味呀! 友人話下次有PARTY一定要學下整。

 (下圖) 呢度只係一部份咋~見到廚房果邊高手們不斷埋頭苦幹，真係睇見都開心呀!

 (下圖) 用咁別致嘅樽裝住嘅，就係陳師傅自家釀製嘅荔枝酒，充滿香甜荔枝味，無論係淨飲、加冰、加梳打水或調配成雞尾酒都咁得，正呀! (聽講遲下陳師傅會開班教點整添呀)

 (下圖) 樓上樓下都有好多特色樓上鋪頭，ｐａｒｔｙ到會嘅即開生蠔，都係來自同一幢大廈呀~

 (下圖) 餐具都好別緻~

 (下圖) 美食是這樣製成的~~~辛苦晒!!

 (下圖) 除咗美食高手，同埸仲有扭波高手，小朋友開心到愛不釋手。

 (下圖) 8月份嘅課程

 (下圖) 教室除咗裝修靚，連用具都係名牌靚嘢。

 (下圖) 靚太至愛嘅LC煲，除咗迷你煲，仲有好多個大煲~不過冇影到相。

 (下圖) 呢個煲仔好別緻，唔記得問下點用添。

(下圖)教室有一角小賣部，有好多精選產品，有食品有用品，會有特定時間俾會員上門shopping。

 (下圖) 仲有唔同款式嘅吸塵機械人、冇扇葉風扇、風乾機、雪糕機.....

 (下圖) 呢款洗鑊擦，原始風味又環保。

 (下圖) 自製氣水壺。

 (下圖) 梳打粉可以煮食又可以用嚟清潔家居，配埋竹炭纖維碗布，夠晒環保。

 (下圖) 現場試食過呢隻意粉醬，好有新鮮青椒味，好食。

想知更多關於Bma Home & Kitchen

可參考以下網址：

http://bmakitchen.blogspot.hk/

https://www.facebook.com/bmakitchen