趁放假走番轉大埔街市，停車場例牌大排長龍，
好在不斷有車出，唔駛幾耐就泊到位。
正值午飯時間，一於上熟食區搵食啦~
行到新樂園，咁好彩有張枱冇人坐，
馬上坐低叫嘢食~
隔離幾枱大叔，個個都食緊蒸鯇魚飯，
睇落都唔錯架~不過係我懶得挑魚骨啫...
跟住見檔口大大隻字寫住:
【凡惠顧粉麵, 可以優惠價$68購買魚蛋/片頭/魚片/一斤】
見佢咁寫，就一於叫碗魚蛋麵試試佢啦~
另外我哋仲叫咗牛腩麵、肉燥番茄蛋飯、福建炒飯...
本來普通一餐冇咩特別，所以食物相都冇影到。
但食落越食越好味, 食完仲lam lam脷，
咪睇佢廚房細細，
無論粉麵抑或碟頭飯都平、靚、正果度好嘢呀!
尤其係魚蛋~彈得嚟又軟棉棉，唔咸又充滿鮮味!!!
馬上買番斤魚蛋、片頭返屋企慢慢嘆先~
片頭新鮮整起仲熱辣辣，老板娘介紹可以即食，
於是大家都攞塊試吓~
咪講笑~食飽都仍然覺得好食，好得呀!
去得大埔街市，當然必到【梁九記】啦~
又係例牌多人，唔只俾錢要排隊，連入鋪頭都要排長龍呀!
大家一於買買買，塞爆個冰格!!!
小胡子生活館之Facebook專頁
會有更多動態資訊
